-Unha vida dramática, o espectáculo teatral deseñado por Miguel Anxo Mouriño foi estreado nun abarrotado Auditorio Lois Tobío, na celebración do Día das Letras Galegas.
-Centos de narices vermellos simbolizaron a homenaxe do público ao gran dramaturgo que foi lembrado ao longo da obra e con pasaxes audiovisuais da súa pegada no cine e a televisión.
Temos no Val Miñor, como en todo o país, un gran patrimonio etnográfico que se está a perder por motivos diferentes. Dende o Instituto de Estudos Miñoranos queremos recoller en fichas todo o patrimonio que poidamos co obxectivo de ir facendo o Catálogo do Patrimonio Etnográfico do Val Miñor .
O mal chamado patrimonio pobre é o menos valorado, ás veces por estar máis achegado, máis próximo e, tamén, por perder o valor de uso que outrora tivo. Recoller en fichas as características, localización e todos os dados, se pode ser acompañados de fotos, dos elementos a catalogar é un labor moi importante que nos vai permitir coñecer máis e mellor o noso patrimonio, e facilitar no posible que non se perda.
Necesitamos a axuda de todo aquel que queira colaborar enviándonos cuberta esta ficha para , nunha primeira fase, facer un rexistro o máis axhaustivo posible de todo o patrimonio que temos nos tres concellos do Val Miñor e os arredores. Nunha segunda fase completaremos as fichas e iremos facendo a súa clasificación.
Os restos da antiga igrexa parroquial de San Xoán de Panxón, co seu magnífico arco de ferradura, son unha das escasas mostras da arte xermánica que se conserva en Galicia. Pola súa importancia este espazo ostenta o carácter de Ben de Interese Cultural dende o ano 1964.
Texto orixinal publicado na Revista Nº2 do IEM(ano 2002) da autoría do arquitecto Xaime Garrido.
A NOTICIA.
O correspondente de La Voz de Galicia, Vicente Montejano, dicía no seu xornal o 3 de xuño de 1979: "DEMOLIDO EL HOSPITAL DE BAYONA PARA HACER LA CASA DE LA CULTURA. Instituído en 1645, era uno de los monumentos bayoneses con más tradición. Experimentó sucesivas reformas en 1679, 1759 Y 1806 ... ". O mesmo correspondente, o 14 de agosto de 1979, co título "Con la demolición del Hospital de Caridad desaparece una pieza importante del patrimonio histórico baionés", esténdese en máis detalles tomados de Crónicas Históricas de la Villa de Bayona, de Herminio González Ramos. Ao confusionismo do seu relato histórico, súmanse os erros de impresión e, o que é peor, a procura nos titulares dun sensacionalismo que non se corresponde exactamente coa realidade posterior.
Este 18 de setembro de 2012 cumprirase 102 anos do día en que foi colocada a primeira pedra no monte de San Roque sobre a cal elevaríase un dos monumentos emblemáticos do Val Miñor: A Virxe da Rocha. Filla da arte imaxinativa do arquitecto Antonio Palacios, a historia do seu deseño e construción -non exentas de simbolismos, misterios e riviravoltas- foi recompilada no ano 2002 nun magnífico artigo titulado "A Virxe da Rocha: un singular proxecto de Antonio Palacios", polo especialista Xosé Ramón Iglesias Veigas, no número 2 das Revistas do IEM. O compartimos...
Adobe Flash Player not installed or older than 9.0.115!
Compartimos o informe realizado pola TVE sobre os traballos de musealización e os roteiros arqueolóxicos nos montes da parroquia de Couso. Esta intervención, promovida pola Comunidade de Montes Veciñais de Couso foi executada pola Sección de Prehistoria e Arqueoloxía do Instituto de Estudos Miñoranos.
Adobe Flash Player not installed or older than 9.0.115!
O tradicional curro de agosto (da Mosca) celebrouse unha vez máis na parroquia de Mougás no concello de Oia, o pasado domingo 21. O obxecto desta actividade é colocar vacinas e desparasitar as bestas, fundamentalmente de moscas e carranchos. Lembramos que no pasado mes de xullo xa tivera lugar outra para marcar e tamén vacinar os animais.
