- O acto terá lugar o vindeiro xoves 17 de maio ás 19:30 horas no Auditorio Municipal Lois Tobío. -Na actividade os empresarios do Val Miñor lerán poemas do homenaxeado e contarase coa participación do Coro Tradicional Cantares do Brión.
A escritora Aurora Marco salientou o esquecemento que durante moitos anos sufriu o papel xogado polas mulleres na historia do país, durante a derradeira TERTULIA do IEM, celebrada no marco do ciclo "Mulleres na Historia". Nomeadamente, referiuse á situación das mulleres en xeral antes e durante a República, para logo describir a represión acaecida durante o franquismo, en particular sobre aquelas que tiveron participación na vida política, a resistencia ao golpe e especialmente as vinculadas á guerrilla en Galicia.
Adobe Flash Player not installed or older than 9.0.115!
As pescudas da investigadora Ofelia Rey Castelao na historia das mulleres en Galicia, nomeadamente a súa incidencia no mundo da cultura, deu pé ao faladoiro "Galicia, país sen santas: Monxas e betas na Idade Moderna", celebrada no marco das TERTULIAS do IEM.
A TERTULIA co profesor Ricardo Beiras García-Sabell, permitiunos informar e reflexionar sobre os diversos desafíos a que se ve enfrontada a rica biodiversidade das Rías Baixas. Contestando á pregunta que centrou o faladoiro "Están as Rías Baixas moi contaminadas?, o especialista que dirixe a Estación de Ciencias Mariñas de Toralla, percorreu os principais episodios que comprometeron e que seguen a por e perigo este enclave vital de Galicia. Compartimos o audio completo da súa exposición.
Adobe Flash Player not installed or older than 9.0.115!
Compartimos integramente a conferencia "Que distancia nos separa do firmamento" que brindara o físico e divulgador científico Jorge Mira o pasado 16 de decembro na Aula de Cultura Ponte de Rosas. O faladoiro, formou parte do ciclo de TERTULIAS do IEM da tempada 2010-2011. Nun clima coloquial e claro, Mira foi narrando as distintas etapas polas que a humanidade foi procesando o seu coñecemento do planeta e do universo, así como as diversas interpretacións da vida e do cosmos que foros xurdindo a consecuencia desto.
Adobe Flash Player not installed or older than 9.0.115!
O xornalista Xosé Manuel Pereiro Sánchez fixo un repaso da evolución do periodismo nas últimas décadas, onde salientou os cambios da presentación informativa na televisión, os desafíos que enfronta a prensa escrita e a irrupción da internet na forma de producir e circular a comunicación. Achegamos unha selección do faladoiro e informamos que a versión completa desta como doutras Tertulias, conferencias e faladoiros poden solicitarse na sede do IEM.
