• Anterior
• 1 of 2
• Seguinte

O Instituto de Estudos Miñoranos xunto cos Concellos de Vigo, Pontevedra e Ourense , coa colaboración da Área de Normalización Lingüística, A Lingua Latexa e a Vicerreitoría de Extensión Universitaria e a Área de Normalización Lingüística da Universidade de Vigo, organizan un curso co obxecto de formar especialistas en recollida de toponimia.  O mesmo terá  lugar no mes de marzo nas cidades de Vigo,  Pontevedra e na vila de Gondomar. A inscrición está aberta até o 22 de febreiro.

Obxectivos:

-Formar especialistas na recollida de toponimia

-Achegarse á metodoloxía e ás ferramentas básicas para a recollida de campo.

-Aproximarse aos problemas específicos da recollida.

-Coñecer experiencias de recollida e aplicacións prácticas.

-Realizar prácticas de campo en distintos concellos.

Datas e lugares de realización:

-Vigo:  VERBUM, Avenida de Samil, nº 17. (Marzo: Venres 2, Sábado 3, Venres 9 e Sábado 10).

-Pontevedra: Pazo da Cultura, Rúa de Alexandre Bóveda. (Marzo: Venres 16 e Sábado 17).

-Gondomar: Aula de Cultura Ponte de Rosas (sede do IEM), Avenida da Feira, nº 10 baixo. (Marzo: Venres 23 e SáInsbado 24).

Inscricións: até o 22 de febreiro, enviando a ficha e o currículo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo . O límite de prazas é de 40 persoas e o prezo de 30 € para traballadores/as e 15 € para desempregados/as ou estudantes. (Ver máis detalles na ficha de inscrición adxunta).

No curso intervirán os expertos en toponimia Gonzalo Navaza, Ana Isabel Boullón, Vicente Feixóo, Roberto Rodríguez, Emili Casanova, Xosé Henrique Costas, Xosé Lois Vilar, Lorena Carrasco, Anxo Rodríguez, Dolores Ferro, Xosé Manuel Souto, Alberto Rodríguez, Xesús Saavedra, Xesús Costas, Marcial Rodríguez, Luís Bará, Marta Souto, Luz Méndez, Xavier Gomila, Pilar Barreiro e Xulia Marqués.

Achegamos para descargar o programa do curso coa ficha para cubrir a inscrición. Xunto co programa atópase información sobre as normas de selección, prácticas e outra información de interese.